Enchanté Swellendam – ’n Modegroet met ’n Franse flair! 🌸 

“Nice to meet you” – en dis presies hoe jy voel wanneer jy hierdie jong boetiek binne stap. 

Swellendam – ’n Vars briesie met flair waai deur Swellengrebelstraat in Swellendam – en haar naam is Chaunté Jacobs. 

Met blink oë en ’n stylvolle visie het hierdie 22-jarige pas-gegradueerde haar droom waar gemaak – om nie vir iemand anders te werk nie, maar om iets van haar eie te bou. En dis presies wat sy gedoen het met die opening van Enchanté Boutique – ’n juweel van ’n winkel wat alles weerspieël waarvoor Chaunté staan: jeug, onafhanklikheid, styl… en ’n romantiese vonkel. 

Die naam “Enchanté” – Frans vir “Nice to meet you” – pas soos ’n satynhandskoen. Want wanneer jy by hierdie klerewinkel instap, voel dit nie net of jy begroet word met styl nie – jy voel ook regtig welkom. 

Chaunté het Swellendam se mode-verskeidenheid vars gekry met sagte truitjies vir die winter, romantiese onderklere en ’n plan vir selfs meer – van juwelehouers tot moontlik haar eie swemklere-ontwerpe in die somer. Haar visie is duidelik: gee die dorp iets besonders, iets wat jy nie sommer orals sien nie. 

Enchanté Boutique.  Dis nie net ’n winkel nie, dis ’n droom wat vlerke gekry het, ’n idee wat kleur gekry het, en ’n visie wat vorm aanneem in elke spesiale kledingstuk wat aan ’n Swellendammer se skouer hang. 

Enchanté.  Dit is nie net ’n groet nie, dis ’n uitnodiging na iets besonders.